ກິນເຄັມຢ່າງປອດໄພ ໂຣກໝາກໄຂ່ຫຼັງບໍ່ຖາມຫາ! ຍີ່ປຸ່ນປະດິດຖ້ວຍ ແລະ ບ່ວງແບບພິເສດທີ່ສາມາດເພີ່ມຣົດຊາດເຄັມໃຫ້ກັບອາຫານໄດ້ເຖິງ 1.5 ເທົ່າ

ຍີ່ປຸ່ນ

ຍີ່ປຸ່ນ

ໃນຍຸກສະໄໝນີ້ເທຣນຮັກສຸຂະພາບກໍາລັງມາແຮງ ເຮັດໃຫ້ໄລຍະຜ່ານມາເຮົາຈະເຫັນຜະລິດຕະພັນ ຫຼື ສິນຄ້າຕ່າງໆ ທີ່ຖືກຜະລິດອອກມາເພື່ອຕອບໂຈດມະນຸດຍຸກນີ້ ເຊັ່ນດຽວກັນກັບ ບໍລິສັດຜະລິດເຄື່ອງດື່ມ Kirin Holdings Co ທີ່ໄດ້ມີການຮ່ວມມືກັບມະຫາວິທະຍາໄລເມຈິ (Meji) ຄິດຄົ້ນຖ້ວຍແລະບ່ວງ ທີ່ມີຄຸນສົມບັດໃນການເພີ່ມຣົດຊາດເຄັມກັບອາຫານໄດ້ເຖິງ 1.5 ເທົ່າ ໂດຍບໍ່ຕ້ອງອາໄສເຄື່ອງປຸງເພີ່ມຄວາມເຄັມຢ່າງເກືອ ຫຼື ນ້ຳປາເລີຍ.

ຍີ່ປຸ່ນ
ຍີ່ປຸ່ນ

ໃນສ່ວນຂອງຫຼັກການເຮັດວຽກຂອງຖ້ວຍ ແລະ ບ່ວງເພີ່ມຄວາມເຄັມນີ້ ທາງຜູ້ພັດທະນາລະບຸວ່າ ອຸປະກອນນີ້ຈະສ້າງກະແສໄຟຟ້າອ່ອນໆ ເພື່ອກະຕຸ້ນໃຫ້ເກີດໂຊດຽມໃນອາຫານ ເຊິ່ງສານຕົວນີ້ຈະເຮັດໃຫ້ເຮົາຮູ້ສຶກເຄັມເມື່ອອາຫານສຳຜັດກັບລີ້ນ. ທັງນີ້ ອຸປະກອນດັ່ງກ່າວແມ່ນຜົນງານຕໍ່ຍອດຈາກໄມ້ຖູ່ໄຟຟ້າທີ່ມີຄຸນສົມບັດຄືກັບທີ່ເຄີຍຖືກຜະລິດອອກມາກ່ອນໜ້ານີ້ (ສາມາດອ່ານເພີ່ມໄດ້ທີ່: https://laox.la/techonology/23200/)

ທັງນີ້ ທີມວິໄຈໄດ້ພັດທະນາອຸປະກອນນີ້ຂຶ້ນໂດຍໃຫ້ຄວາມສໍາຄັນກັບສຸຂະພາບເປັນຫຼັກ ເພາະວ່າການຮັບປະທານເກືອ ຫຼື ອາຫານຣົດເຄັມໃນປະລິມານຫຼາຍເກີນໄປມີຄວາມສ່ຽງຕໍ່ການເກີດໂຣກຄວາມດັນເລືອດສູງ ເຊິ່ງເປັນສາເຫດຂອງອາການຫົວໃຈວາຍ ແລະ ໂຣກຫຼອດເລືອດໃນສະໝອງ.

ຍີ່ປຸ່ນ

ຢ່າງໃດກໍດີ ທາງບໍລິສັດກ່າວວ່າອຸປະກອນນີ້ແມ່ນພ້ອມຈະຈໍາໜ່າຍໃນໄລຍະປີໜ້າ ພາຍໃຕ້ຊື່ວ່າ Erekisoruto (エレキソルト) ເຊິ່ງຖືໄດ້ວ່າຖ້ວຍບ່ວງແບບໃໝ່ນີ້ເປັນໜຶ່ງໃນນະວັດຕະກໍາທີ່ໜ້າສົນໃຈຫຼາຍ ແລະ ຫາກໃຜເປັນສາຍກິນເຄັມກໍຕ້ອງບໍ່ພາດທີ່ຈະຊື້ມາໃຊ້ງານຢ່າງແນ່ນອນ.

ທີ່ມາ:

ຕິດຕາມຂ່າວທັງໝົດຈາກ LaoX: https://laox.la/all-posts/

No comment

Leave a Reply

Your email address will not be published.