ໄປຫາໝໍ! Gary Neville ແນະນຳໃຫ້ Harry Maguire ໄປຫາຈິດຕະແພດ ເພື່ອເພີ່ມຄວາມໝັ້ນໃຈ ຫຼັງຟອມບໍ່ດີມາຫຼາຍນັດ

Gary Neville

ເອີ້ນໄດ້ວ່າກາຍເປັນທີ່ເວົ້າເຖິງກັນເກືອບທຸກມື້ ກັບກອງຫຼັງກັບຕັນທີມ ແມນເຊັສເຕີ້ ຢູໄນເຕັດ ຢ່າງ ແຮຣີ່ ແມັກໄກວ ຫຼັງເຈົ້າຕົວເຮັດຜົນງານໄດ້ບໍ່ຄ່ອຍດີກັບທີມຊາດອັງກິດ ແລະ ໄລຍະຫຼັງມາກໍຫຼຸດຈາກຕຳແໜ່ງຕົວຈິງຂອງທີມໄປອີກ, ຫຼ້າສຸດ  ແກຣີ່ ເນວິວ ໄດ້ອອກມາແນະນຳໃຫ້ ແຮຣີ່ ແມັກໄກວ ໃຫ້ໄປຫາຈິດຕະແພດ ເພື່ອເພີ່ມຄວາມໝັ້ນໃຈ.

ແກຣີ່ ເນວິວ ອະດີດ ແບັກຂວາໃນຕຳນານຂອງ ແມນເຊັສເຕີ້ ຢູໄນເຕັດ ອອກມາແນະນຳ ແຮຣີ່ ແມັກໄກວ ຜ່ານທາງສະຖານີວິທະຍຸຂອງ BBC ວ່າ: ຂ້ອຍເຄີຍໄປມາແລ້ວ ຕອນທີ່ຂ້ອຍເສຍຄວາມໝັ້ນໃຈ ຂ້ອຍໄປຫາຈິດຕະແພດເພື່ອຊ່ວຍໃຫ້ຂ້ອຍຜ່ານໄລຍະເວລາທີ່ບໍ່ດີເຫຼົ່ານັ້ນໄປໄດ້”

Gary Neville

ແກຣີ່ ເນວິວ ກ່າວຕື່ມວ່າ: “ໃນອະນາຄົດ ຟອມຂອງ ແມັກໄກວ ຈະກັບມາ ຂ້ອຍຢາກໃຫ້ລາວເຮັດໃນສິ່ງທີ່ຂ້ອຍເຄີຍເຮັດໃນຕອນນັ້ນ ກໍຄື ແຮຣີ່ ແມັກໄກວ ຕ້ອງໄປຫາໝໍຈິດຕະແແພດ ຢູ່ ແມນເຊັສເຕີ້ ຢູໄນເຕັດ ເພາະບາງເທື່ອນັກເຕະກໍຕ້ອງໄດ້ຮັບການຊ່ວຍເຫຼືອຈາກພາຍນອກເຊັ່ນກັນ”.

ໃນໄລຍະ 1 ອາທິດທີ່ຜ່ານມາ ກັບການແຂ່ງຂັນ ຢູຟ່າ ເນຊັ່ນລີກ ຂອງປະເທດອັງກິດ ແຮຣີ່ ແມັກໄກວ ຖືກຕັ້ງຄຳຖາມເປັນຈຳນວນຫຼາຍຈາກແຟນບານ ເຖິງຟອມການຫຼິ້ນທີ່ບໍ່ຄ່ອຍດີຂອງລາວ ແຕ່ກໍຍັງໄດ້ເປັນຕົວຈິງຂອງທີມຊາດອັງກິດຕະຫຼອດ.

Gary Neville

ແຮຣີ່ ແມັກໄກວນັ້ນ ຫຼຸດຈາກສະຖານະການເປັນຕົວຈິງຂອງ ແມນເຊັສເຕີ້ ຢູໄນເຕັດ ນັບຕັ້ງແຕ່ເກມທີ່ ແມນເຊັສເຕີ້ ຢູໄນເຕັດ ບຸກໄປເສຍໃຫ້ ເບັນຟອດ 0 ປະຕູຕໍ່ 4 ໃນໄລຍະຕົ້ນເດືອນສິງຫາທີ່ຜ່ານມາ ຫຼັງຈາກນັ້ນກໍເບີ່ງຄືວ່າ ອະດີດກອງຫຼັງຄ່າຕົວ 80 ລ້ານປອນຄົນນີ້ ຈະຍັງກັບມາສູ່ຟອມທີ່ດີທີ່ສຸດຂອງຕົນເອງບໍ່ໄດ້ເລີຍ.

     ຂອບໃຈຂໍ້ມູນຈາກ:

ຕິດຕາມຂ່າວທັງໝົດຈາກ LaoX: https://laox.la/all-posts/

No comment

Leave a Reply

Your email address will not be published. Required fields are marked *