ຟິລິບປິນ ໄດ້ຫຼຽນຄຳ Olympics ເປັນຄັ້ງທຳອິດໃນປະຫວັດສາດ


ຄວາມພະຍາຍາມ ແລະ ຄວາມຕັ້ງໃຈທີ່ຕົນເອງສຸມໃສ່ເປັນເວລາຫຼາຍປີ ໃນທີ່ສຸດກໍປະສົບຜົນສຳເລັດ ພ້ອມຍັງເຮັດໃຫ້ປະເທດມີຊື່ສຽງຍິ່ງຂຶ້ນໄປອີກ.

ຊົມເຊີຍ Hidilin Diaz, ອາຍຸ 30 ປີ ນັກກິລາຍົກນ້ຳໜັກຍິງ ປະເທດຟິລິບປິນ, ແຂ່ງຂັນຍົກນ້ຳໜັກ 55 ກິໂລກຼາມ ວັນທີ 27 ກໍລະກົດ 2021 ໃນມະຫະກຳກິລາ Tokyo Olympics 2020 ເຊິ່ງຄັ້ງນີ້ເປັນຄັ້ງທີ 4 ທີ່ໄດ້ເຂົ້າຮ່ວມ. ເປັນເວລາ 30 ປີ ທີ່ລົງແຂ່ງຂັນ ເຄີຍໄດ້ຫຼຽນເງິນໃນການແຂ່ງຂັນຢູ່ທີ່ ໂອເດິຈາໄນໂຣ ເມື່ອ 5 ປີກ່ອນ.

ການແຂ່ງຂັນໃນປີນີ້ ທີ່ຄອງຄອຍຖ້າມາຕະຫຼອດຫຼາຍກວ່າ​ 10 ປີ ໃຊ້ຊີວິດໃນອາຊີບນັກກິລາມາໂດຍຕະຫຼອດ, ພັດທະນາຕົນເອງບໍ່ຢຸດ, ເສີມສ້າງຜົນງານຢູ່ສະເໝີ ແລະ ມີຄວາມພະຍາຍາມມາຕະຫຼອດຊີວິດເລີຍກໍວ່າໄດ້ ເພື່ອທີ່ຈະເອົາຫຼຽນຄຳຕ້ອງເມື່ອຍທັງກາຍ ແລະ ໃຈເປັນບາງຄັ້ງຄາວ ແຕ່ກໍຍັງສູ້ຈົນປະສົບຜົນສຳເລັດ.

ນອກຈາກ Hidilin Diaz ຈະມີຄວາມຫວັງໃຫ້ຕົນເອງແລ້ວ ປະຊາຊົນທົ່ວປະເທດຟິລິບປິນກໍມີຄວາມຫວັງເຊັ່ນດຽວກັນ. ໃນທີ່ສຸດ ຄວາມດຸໝັ່ນຂະຫຍັນພຽນ ປະກອບກັບຄວາມສາມາດທີ່ເຝິກຝົນມາໂດຍຕະຫຼອດ ກໍໄດ້ນຳຄວາມສຸກມາໃຫ້ແກ່ຕົນເອງ ແລະ ຄົນທົ່ວປະເທດ.

ຂະນະທີ່ຮູ້ວ່າຕົນເອງຊະນະ ນ້ຳຕາກໍໄດ້ໄຫຼລົງແບບບໍ່ຮູ້ຕົວ ທັງຜູ້ດູແລນັກກິລາຕ່າງກໍຮ້ອງໄຫ້ນ້ຳຕາໄຫຼໄປຕາມໆກັນ ໂດຍສະເພາະຕອນທີ່ສຽງເພງຊາດດັງຂຶ້ນ ນ້ຳຕາແຫ່ງຄວາມດີໃຈ ແລະ ຄວາມພູມໃຈກໍໄຫຼອອກມາອີກຮອບ.

ປະເທດຟິລິບປິນ ກາຍເປັນປະເທດທີ 5 ໃນອາຊຽນ ທີ່ສາມາດຄວ້າຫຼຽນຄຳໃນ Olympics ໄດ້ສຳເລັດ ຕໍ່ຈາກ ປະເທດໄທ, ສິງກະໂປ, ອິນໂດເນເຊຍ ແລະ ຫວຽດນາມ.

ຂອບໃຈຂໍ້ມູນຈາກ:

ຮູບພາບ ແລະ ຕາຕະລາງຄະແນນ: https://bit.ly/3zRDi2x

ຕິດຕາມຂ່າວທັງໝົດຈາກ LaoX: https://laox.la/all-posts/

ກິລາ

#HOD#LaoX#ກິລາ#ຟິລິບປິນ

error: Content is protected !!