ໜຸ່ມນ້ອຍອາຍຸ 9 ປີ ເອົາເງິນທີ່ຕົນເອງທ້ອນ ຊື້ເກີບເຕະບານໃຫ້ໝູ່ໃນມື້ວັນເກີດ ເນື່ອງຈາກວ່າໝູ່ໃສ່ເກີບຂາດເຕະບານຕະຫຼອດ


ຊາເວຍ ແລະ ເອຣິກ ເປັນໝູ່ທີ່ສະໜິດກັນ ໄປໃສກໍໄປນຳກັນ ຫຼິ້ນຫຍັງກໍຫຼິ້ນນຳກັນ, ເມື່ອມີການແຂ່ງຂັນເຕະບານກໍຈະຢູ່ທີມດຽວກັນ, ແຕ່ວ່າເອຣິກ ເປັນເດັກນ້ອຍທີ່ຖານະທາງບ້ານບໍ່ອຳນວຍດ້ານການເງິນພໍປານໃດ ໄປເຕະບານທຸກຄັ້ງກໍໃສ່ພຽງເກີບຄູ່ດຽວກັນກັບເກີບທີ່ໃສ່ໄປໂຮງຮຽນ, ບໍ່ມີເກີບງາມໆດີໆໃສ່ຄືກັບຄົນອື່ນ ບາງຄັ້ງໃສ່ເຕະບານຈົນເກີບນັ້ນຂາດ ເພາະບໍ່ມີເງິນຊື້.

ເມື່ອເປັນດັ່ງນັ້ນ ຊາເວຍ ຜູ້ທີ່ເປັນໝູ່ສະໜິດຂອງ ເອຣິກ ຈຶ່ງຕັດສິນໃຈຊື້ເກີບເຕະບານໃໝ່ໃຫ້ເພາະເນື່ອງຈາກວ່າ ເອຣິກ ໃສ່ເກີບເຕະບານຂາດລົງສະໜາມຕະຫຼອດ, ເງິນທີ່ ຊາເວຍ ຊື້ເກີບນັ້ນເປັນເງິນທີ່ແມ່ເຖົ້າຂອງລາວເອົາໃຫ້ ແລ້ວລາວເກັບເງິນຈຳນວນນັ້ນໄວ້ ທ້ອນໄວ້ເມື່ອເວລາຢາກໄດ້ສິ່ງຂອງຕ່າງໆ ແລະ ເມື່ອເຫັນໝູ່ປະສົບບັນຫາ ຈຶ່ງເອົາເງິນຈຳນວນນັ້ນມາຊື້ເກີບໃຫ້ໝູ່ ແລ້ວກໍມອບເປັນຂອງຂວັນວັນເກີດໃຫ້ເລີຍ.

Xavier plays for Ladybridge FC (Image: Manchester Evening News)

ເກີບເຕະບານມີລາຄາປະມານ 17 ປອນ, ໃນຂະນະທີ່ມອບຂອງຂວັນໃຫ້ ຜູ້ເປັນພໍ່ຂອງ ຊາເວຍ ກໍໄດ້ຖ່າຍວີດີໂອໄວ້ ເຊິ່ງວີດີໂອດັ່ງກ່າວນັ້ນກໍໄດ້ຖືກເຜີຍແຜ່ຢ່າງໄວວາ ໃນເວລາບໍ່ພໍເທົ່າໃດນາທີ. ນອກຈາກນີ້ ຊາເວຍ ຍັງໄດ້ເວົ້າວ່າການທີ່ລາວປະຕິບັດຕົນແບບນີ້ ກໍເພາະວ່າມີນັກເຕະທີ່ມັກ ແລະ ນັບຖືເປັນຂວັນໃຈ ແລະແຮງບັນດານໃຈ ນັ້ນກໍຄື ມາຄັສ ແຣສຟອດ ນັກເຕະຂອງສະໂມສອນ ແມນເຊສເຕີ ຢູນາຍເຕັດ ທີມມັກຂອງ ຊາເວຍ.

ຖືວ່າເປັນອີກເລື່ອງດີໆທີ່ເດັກນ້ອຍພຽງ 9 ປີ ກໍຮູ້ເຖິງການມີນ້ຳໃຈຕໍ່ໝູ່, ຊ່ວຍເຫຼືອຍາມເວລາທີ່ໝູ່ທຸກຍາກຂາດເຂີນ ແລະ ບໍ່ວ່າໝູ່ຂອງຕົນຈະເປັນຄົນສັນຊາດໃດ, ປະເທດໃດ ທຸກ ຫຼື ລວຍ ກໍຍັງຮັກ ແລະ ນັບຖືເປັນໝູ່ຢູ່ສະເໝີ.

ຂອບໃຈຂໍ້ມູນຈາກ:
https://www.sportbible.com/football/news-take-a-bow-community-legends-schoolboy-9-surprises-friend-with-new-pair-of-football-boots-20210325?fbclid=IwAR2s6bU9Vfvgwo6sRtLHQFUbdvp7m6ERchg96IUHf7J-AUhezPqqHBjNlb4
https://www.facebook.com/MainStandTH/posts/886672245225805
https://www.manchestereveningnews.co.uk/news/parenting/schoolboy-who-stolen-peoples-hearts-20243211

ກິລາ

error: Content is protected !!