JOMO ອາການເບື່ອໜ່າຍໂຊຊຽວ ຢາກໜີໄປໄກໆ ມາເບິ່ງວ່າທ່ານເອງກໍເປັນຢູ່ຫຼືບໍ່?

JOMO

ເມື່ອມີຜູ້ບໍລິໂພກມີພຶດຕິກຳການຮັບສື່ອອນລາຍແລ້ວ ກໍມີຜູ້ບໍລິໂພກທີ່ບໍ່ເສບຕິດສື່ອອນລາຍດ້ວຍເຊັ່ນກັນ ແລະຍັງມີພຶດຕິກຳຫຼີກເວັ້ນສື່ອອນລາຍອີກດ້ວຍ ເຊັ່ນພຶດຕິກຳ 2 ແບບນີ້ໄດ້ແບ່ງເປັນ  2 ກຸ່ມນີ້ຄື FOMO ແລະ JOMO

ມຶ້ນີ້ ເຮົາຈະພາມາຮູ້ຈັກ ພຶດຕຕິກຳ JOMO ນຳກັນວ່າມັນແມ່ນຫຍັງ

JOMO

JOMO ແມ່ນຫຍັງ?

JOMO ຫຍໍ້ມາຈາກ Joy of Missing Out ຄວາມສຸກຂອງສິ່ງທີ່ຂາດຫາຍໄປ. JOMO ແມ່ນກົງກັນຂ້າມກັບ FOMO, ເປັນພຶດຕິກຳຖອຍຫ່າງຈາກໂຊຊຽວມີເດີຍ ເພື່ອເອົາເວລາໄປໃຊ້ກິດຈະກໍາອື່ນທີ່ຢູ່ອ້ອມຕົວ.  ບໍ່ຢຶດຕິດວ່າໂທລະສັບ ເປັນທຸກສິ່ງທຸກຢ່າງໃນຊີວິດແລະຄິດວ່າຖ້າພາດກະແສໄປຈັກຢ່າງກໍບໍ່ແມ່ນເລື່ອງຜິດ.

ພຶດຕິກໍາຂອງກຸ່ມ JOMO ເປັນແນວໃດ?

ລົດ​ຜ່ອນ​ການ​ນໍາ​ໃຊ້​ອິນ​ເຕີ​ເນັດ​ ແລະລົດຜ່ອນການຢຶດໝັ້ນກັບ Social Network ແລະຫັນໄປມີຄວາມສຸກທີ່ບໍ່ຈໍາເປັນຕ້ອງຮູ້ບາງເລື່ອງໃນສື່ສັງຄົມ.

JOMO

ໂຟກັດກິດຈະກໍາທີ່ບໍ່ຈໍາເປັນຕ້ອງຕິດກັບໂທລະສັບຕະຫຼອດເວລາ: ຊາວJOMO ບໍ່ໄດ້ໂຟກັດກິດຈະກໍາທີ່ໃຊ້ອິນເຕີເນັດຫຼາຍ  ຫຼືວ່າເປັນພຶດຕິກຳທີ່ເກີດຈາກຄວາມເບື່ອໃນການໃຊ້ສື່ສັງຄົມອອນລາຍ ຈົນຕ້ອງຫາທາງຫຼີກເວັ້ນ ແລະ ເນັ້ນກິດຈະກຳທີ່ບໍ່ໃຊ້ສະມາດໂຟນຕະຫຼອດເວລາ ເຊັ່ນ: ການອອກໄປອ່ານປຶ້ມ, ອອກກຳລັງກາຍ, ປູກຕົ້ນໄມ້ ແລະ ອື່ນໆ.

JOMO

ບໍ່ຮູ້ສຶກຜິດທີ່ຈະຕົກເທຣນ: ເພາະວ່າຊາວ JOMO ເກີດມາຈາກຄວາມເບື່ອໜ່າຍໃນສື່ສັງຄົມ  ເຮັດໃຫ້ເກີດພຶດຕິກຳທີ່ຈະຖອຍຫ່າງຈາກ ຫຼື ຕັດຂາດຈາກສື່ອອນລາຍ.  ສະນັ້ນ ເຂົາເຈົ້າຈຶ່ງບໍ່ຮູ້ສຶກຜິດທີ່ພາດຂ່າວ ຫຼື ຍອມຕົກເທຣນບາງທີ່ບາງຢ່າງໄປ ເພື່ອໃຫ້ມີເວລາພັກຜ່ອນສະບາຍ ແລະ ບາງເທື່ອອາດຈະຕັດການສົນທະນາຜ່ານແຊັດຊ້າໄປຫຼາຍມື້ໂດຍບໍ່ມີຄວາມຮູ້ສຶກຜິດໃດໆ.

ຢ່າງໃດກໍຕາມ ໃນໂລກຂອງເຮົາມີຄົນທຸກຮູບແບບແລະທຸກຄົນມີສິດຂອງໃຜມັນເລືອກທີ່ຈະເປັນຕົນເອງ ເລືອກທີ່ຈະສະແດງອອກ ແລະ ເລືອກທີ່ຈະເຮັດໃຫ້ຕົວເອງມີຄວາມສຸກ.

ຂໍ້ມູມອ້າງອີງ:

ຕິດຕາມຂ່າວທັງໝົດຈາກ LaoX: https://laox.la/all-posts/