ມີປະຈຳເດືອນ 2 ເທື່ອຕໍ່ເດືອນຜິດປົກກະຕິ ຫຼືບໍ່ ?


ຫາກຜູ້ຍິງມີປະຈຳເດືອນຫຼາຍເກິນກວ່າ 1 ຄັ້ງ / ເດືອນ ອາດເປັນເພາະເກິດຈາກການອຸກອັ່ງໃຈສະສົມ ຫຼື ການປ່ຽນແປງຂອງ hormone ເຊິ່ງກໍ່ໃຫ້ເກິດໂຣກຮ້າຍໃນອານາຄົດ.

ປົກກະຕິຮອບເດືອນຂອງຜູ້ຍິງຈະມາພຽງເດືອນລະ 1 ຄັ້ງ ແຕ່ຖ້າເກີດມີເລືອດຄ້າຍປະຈຳເດືອນໄຫຼອອກມາອີກເປັນຄັ້ງທີ 2 ຈົນເຮັດໃຫ້ເຮົາສັບສົນໃນການນັບມື້ໄຂ່ຕົກ ຫຼື ມື້ທີ່ຮອບເດືອນຈະມາໃນເທື່ອຖັດໄປ ບາງຄົນອາດວິຕົກກັງວົນເລັກນ້ອຍເພາະຢ້ານໂຣກຮ້າຍຈະຖາມຫາ ສະນັ້ນເຮົາຈະມາໄຂຂໍ້ສົງໄສນີ້ກັນວ່າ ສາເຫດແມ່ນຫຍັງກັນແທ້ ແລະອັນຕະລາຍຫລືບໍ່?

ປະຈຳເດືອນມາຖີ່ໆເກິດຈາກສາເຫດຫຍັງກັນແທ້ ?

ວົງຈອນຂອງຮອບເດືອນທີ່ປ່ຽນແປງໄປເປັນເລື່ອງປົກກະຕິທີ່ມັກພົບເຫັນໃນເພດຍິງໄວຫນຸ່ມສ່ວນໃຫຍ່ ສຳຫຼັບບາງຄົນປະຈຳເດືອນອາດຈະມາຊ້າ ຫຼື ໄວຕ່າງຈາກເດືອນກ່ອນແຕ່ບາງຄົນປະຈຳເດືອນກໍມາຫຼາຍເຖິງ 2 ຄັ້ງ / ເດືອນ ເຊິ່ງມີສາເຫດຫຼັກໆດັ່ງນີ້:

  • Hormone ຂອງໄວທີ່ຍັງບໍ່ສົມດຸນຄົງທີ່
  • ມີຄວາມເຄັ່ງຕຶງສະພາບຈິດໃຈບໍ່ດີໃນຂະນະຮອດມື້ໄຂ່ຕົກ
  • ພາວະໄຂ່ບໍ່ຕົກ (lack of ovulation)
  • ໄທຣອຍເປັນພິດ  (hyperthyroidism)
  • ໃຊ້ຢາທີ່ກ່ຽວຂ້ອງກັບການຄຸມກຳເນິດ
  • ນ້ຳໜັກເພິ່ມຂື້ນ ຫຼື ລົດລົງຢ່າງວ່ອງໄວ
  • ພາວະຮ່າງກາຍທີ່ກຳລັງເຂົ້າສູ່ໄວໝົດປະຈຳເດືອນ

ສີປະຈຳເດືອນໃນຮອບທີ 2 ນັ້ນອາດແຕກຕ່າງຈາກຮອບທຳອິດມັກປາກົດໃຫ້ເຫັນລັກສະນະສີແດງເຂັ້ມ ນ້ຳຕານ ຫຼື ສີບົວອ່ອນໆ ແລະ ມີຈຳນວນປະລິມານຂອງເລືອດລົດນ້ອຍລົງກວ່າເກົ່າ ເພື່ອປ້ອງກັນການເປື້ອນເປິຄວນພົກຜ້າອານາໄມຕິດຕົວໄວ້ເມື່ອເລິ່ມມີອາການປວດບໍລິເວນທ້ອງນ້ອຍ.

ອາການແຊກຊ້ອນເມື່ອປະຈຳເດືອນຂອງທ່ານກຳລັງມາຮອບທີ 2 ຈະມີອາການ ປວດເມື່ອຍໄປໝົດຕົນໂຕ ຫຼື ບໍລິເວນຫຼັງ, ອາການເຈັບຫົວ, ອ່ອນເພຍງ່າຍ, ບໍ່ມີເຫື່ອແຮງ, ວິນຫົວ, ປວດຮາກ ອັດຕາການເຕັ້ນຂອງຫົວໃຈຖີ່ຂື້ນ ຈັງຫວະການຫັນໃຈແຮງຂື້ນ ປະຈຳເດືອນມາ 2 ຮອບ / ເດືອນ ເປັນສັນຍານເຕືອນຂອງໂຣກຫຍັງໄດ້ແດ່ມາເບິ່ງນຳກັນເລີຍ..

ລະວັງສຸຂະພາບຂອງທ່ານໃຫ້ດີຫາກປະຈຳເດືອນມາຖີ່ໃນໄລຍະເວລາພຽງເດືອນດຽວ ອາດເຮັດໃຫ້ທ່ານເປັນໂຣກຮ້າຍແຮງໄດ້ເຊັ່ນ:

  • ໂຣກກະດູກກະໂພກອັກເສບ

ເປັນການຕິດເຊື້ອແບັກທີເຣຍທີ່ສະສົມຢູ່ໃນລະບົບການສືບພັນເພດຍິງທີ່ອາດເຂົ້າສູ່ຊ່ອງຄອດຂອງທ່ານເຊິ່ງຈະແຜ່ກະຈາຍໄປຍັງມົດລູກ ແລະ ອະໄວຍະວະເພດທີ່ເຮັດໃຫ້ເກິດອາການແທ້ງລູກ ລວມເຖິງມີອາການຕົກຂາວຜິດປົກກະຕິ

  • ເນື້ອງອກໃນມົດລູກ

ເກິດຈາກການຈະເລີນເຕີບໂຕຜິດບ່ອນ ແລະ ຍຶດຕິດກັບຝາມົດລູກ ເຊິ່ງມີຕັ້ງແຕ່ຂະໜາດນ້ອຍທໍ່ເມັດງາຈົນເຖິງຂະໜາດໃຫຍ່ທໍ່ໝາກກ້ຽງກໍມີ ເນື້ອງອກນີ້ມີອາການຂ້າງຄຽງທີ່ຮຸນແຮງເຊັ່ນ: ອາການເຈັບທ້ອງ, ເລືອດອອກໃນປະລິມານທີ່ຫຼາຍ ຖ້າມີອາການດັ່ງນີ້ຄວນເຂົ້າປຶກສາທ່ານໝໍເພື່ອຜ່າຕັດເອົາອອກໃຫ້ໄວທີ່ສຸດ.

  • ມະເຮັງປາກມົດລູກ

ເປັນມະເຮັງຊະນິດໜື່ງທີ່ເກິດຂື້ນຈາກການຕິດເຊື້ອໄວຣັສ  (HPV) ໃນຈຸລັງສ່ວນລຸ່ມຂອງມົດລູກທີ່ເຊື່ອມຕໍ່ກັບຊ່ອງຄອດທີ່ກໍ່ໃຫ້ເກິດມະເຮັງປາກມົດລູກ ສາມາດສັງເກດອາການທີ່ເລິ່ມເປັນໄດ້ງ່າຍໆຄື: ປະຈຳເດືອນເລິ່ມໄຫຼນ້ອຍ ສົ່ງກິ່ນບໍ່ພຶງປະສົງລວມເຖິງມີອາການປວດກະດູກກະໂພກລະຫວ່າງມີເພດສຳພັນ.

ຖ້າບໍ່ຢາກເລືອດໄຫຼ 2 ຮອບ / ເດືອນ ຄວນຮີບຮັກສາດ້ວຍວິທີດັ່ງນີ້:

ການຮັກສາຂື້ນຢູ່ກັບສາເຫດ ແລະ ພື້ນຖານປະລິມານ ລວມເຖິງຈຳນວນຄັ້ງຂອງເລືອດທີ່ໄຫຼ ຫາກການບົ່ງມະຕິພົບວ່າເປັນພຽງແຕ່ອາການເລືອດຈາງ ອາດເສີມດ້ວຍການຮັບປະທານທາດເຫຼັກເພື່ອກະຕຸ້ນການໄຫຼວຽນຂອງເລືອດໃຫ້ດີຂື້ນ.

ສຳຫຼັບຜູ້ປ່ວຍທີ່ມີພາວະຕ່ອມໄທຣອຍເປັນພິດ: ທ່ານໝໍອາດໃຫ້ກິນຢາ ຫຼື ວິທີການຮັກສາດ້ານອື່ນໆຕາມແຕ່ຄວາມເໝາະສົມ.

ສຳຫຼັບຜູ້ປ່ວຍທີ່ກ່ຽວຂ້ອງກັບໂຣກ Cysts: ອາດໄດ້ຮັບການຜ່າຕັດ ໂດຍທ່ານໝໍສະເພາທາງທີ່ຊຳນານແລ້ວເທົ່ານັ້ນ.

ການຢຸດການຈະເລີນເຕີບໂຕຂອງເນື້ອງອກ: ໂດຍໃຊ້ hormone ກຸ່ມໂກນາໂດໂທຟິນ (Gonadotropin ) ເຂົ້າໃນການຮັກສາໂດຍເຮັດໃຫ້ທ່ານເຂົ້າສູ່ພາວະໝົດປະຈຳເດືອນຊົ່ວຄາວ ແລະ ຍັງເປັນການຢຸດການຈະເລີນເຕີບໂຕເຮັດໃຫ້ເນື້ອງອກມີຂະໜາດທີ່ເລິ່ມນ້ອຍລົງ ທາງທ່ານໝໍຜູ້ຊ່ຽວຊານອາດໃຫ້ການຮັກສານີ້ຮ່ວມກັບການຜ່າຕັດ.

ສະຫລຸບແລ້ວການມີປະຈຳເດືອນມາຫລາຍຄັ້ງຜິດປົກກະຕິ ຄວນຮີບຟ້າວໄປໂຮງຫມໍ ເພື່ອໄດ້ຮັບການກວດ ແລະບົ່ງມະຕິຈາກທ່ານຫມໍຢ່າງຖືກຕ້ອງ ບໍ່ຄວນປິ່ນປົວດ້ວຍໂຕເອງ ເພາະອາດມີອັນຕະລາຍໄດ້.

ທີ່ມາ: https://www.sanook.com/health/20005/

ສຸຂະພາບ ແລະ ຄວາມສວຍຄວາມງາມ