ເຊື້ອໂຄວິດສາຍພັນໃໝ່ທີ່ກາຍພັນ ຮຸນແຮງກວ່າສາຍພັນ Delta ກຳລັງສ້າງຄວາມກັງວົນໃຈໃຫ້ທົ່ວໂລກ


ທີ່ຮົງກົງ ແລະ ປະເທດອາຟຣິກາໃຕ້, ໄດ້ມີການປະກາດຄົ້ນພົບເຊື້ອໄວຣັສໂຄວິດສາຍພັນໃໝ່ເຊິ່ງເປັນສາຍພັນທີ່ລະບາດຮຸນແຮງທີ່ສຸດເທົ່າທີ່ຄົ້ນພົບມາ ລວມແມ່ນ 100 ຄົນ ເຊິ່ງຊາວຮົງກົງທີ່ຕິດເຊື້ອແມ່ນໄດ້ຜ່ານການເດີນທາງຈາກອາຟຣິກາໃຕ້. ວັນສຸກທີ່ຜ່ານມາທາງອົງການອະນາໄມໂລກໄດ້ຕັ້ງຊື່ສາຍພັນ B.1.1.529. ທາງລັດຖະມົນຕີກະຊວງສາທາລະນະສຸກໄດ້ອອກມາຢືນຢັນວ່າກໍລະນີຜູ້ຕິດເຊື້ອຈາກສາຍພັນດັ່ງກ່າວແມ່ນເພີ່ມຂຶ້ນຢ່າງຫຼວງຫຼາຍ ແລະ ໄວວາ.

ສາສະດາຈານ Tulio de Oliveira, ຫົວໜ້າສູນການປະດິດ ແລະ ໂຕ້ຕອບການລະບາດຂອງເຊື້ອພະຍາດໃນອາຟຣິກາໃຕ້ ໄດ້ອອກມາໃຫ້ຂໍ້ມູນວ່າເປັນສາຍພັນທີ່ຈັບກຸ່ມກັນຢ່າງແປກປະຫຼາດ, ມັນວິວັດທະນາການໄວຫຼາຍ ແລະ ໄດ້ມີການກາຍພັນຫຼາກຫຼາຍເກີນກວ່າທີ່ພວກເຮົາຄາດໄວ້. ສາຍພັນເບຕ້າ B.1.1.529 ນີ້ ສາມາດຜ່ານພູມຕ້ານທານຂອງມະນຸດທີ່ໄດ້ຮັບຜ່ານວັກຊີນມາແລ້ວ ໂດຍຜ່ານການກາຍພັນມາກວ່າ 50 ຄັ້ງ ແລະ ມີໜາມໂປຣຕີນ ເຊິ່ງເປັນຕົວເກາະເຂົ້າໃນຮ່າງກາຍຄົນເຮົາຫຼາຍກວ່າ 30 ໜາມ. ເນື່ອງຈາກວ່າວັກຊີນສ່ວນໃຫຍ່ຈະມີຮູບແບບສ້າງພູມຕ້ານທານໃຫ້ພ້ອມຮັບພຽງ 30 ໜາມ, ແຕ່ຕົວເຊື້ອສາຍພັນໃໝ່ນີ້ ມີໜາມຫຼາຍກວ່າທີ່ຮ່າງກາຍຈະປ້ອງກັນໄດ້. ດ້ວຍເຫດນັ້ນເອງ, ມັນຈຶ່ງສາມາດຜ່ານເຂົ້າໄປໃນຮ່າງກາຍເຮົາໄດ້. ລວມໄປເຖິງຂອບເຂດຂອງຕົວທີ່ໃຊ້ຈັບກັບເຊລຂອງມະນຸດ ມັນໄດ້ມີການກາຍພັນໄປກວ່າ 10 ຮູບແບບ ເຊິ່ງຫຼາຍກວ່າຂອງສາຍພັນເດລຕາ ທີ່ມີພຽງ 2 ຮູບແບບການກາຍພັນ.

ການກາຍພັນຂອງເຊື້ອໄວຣັສດັ່ງກ່າວນີ້ເກີດຈາກຜູ້ປ່ວຍພຽງຄົນດຽວທີ່ບໍ່ສາມາດກຳຈັດໄວຣັສໄດ້.

ທາງການໄດ້ອອກມາສະແດງຄວາມກັງວົນຕໍ່ການກາຍພັນນີ້ວ່າອາດສົ່ງຜົນຕໍ່ການຫຼີກເວັ້ນພູມຕ້ານທານຂອງໄວຣັສ ແລະ ຍົກລະດັບການສົ່ງຕໍ່ເຊື້ອຂອງມັນ. ແຕ່ເຖິງຢ່າງໃດກໍຕາມ, ຍັງບໍ່ສາມາດສະຫຼຸບໄດ້ວ່າຜົນກະທົບຈາກການກາຍພັນຈະລາມໄປຮອດປະສິດທິພາບຂອງວັກຊີນໄດ້ບໍ່. ພວກເຂົາຍັງຕ້ອງສືບຕໍ່ສຶກສາສາຍພັນດັ່ງກ່າວກັບຄົນຕໍ່ໄປ ເພື່ອໃຫ້ເຂົ້າໃຈຄວາມຮຸນແຮງຂອງສາຍພັນແລ້ວມາປຽບທຽບກັບບັນດາສາຍພັນກ່ອນໜ້າ ໂດຍທີ່ຍັງບໍ່ສາມາດຢືນຢັນໄດ້ວ່າມີອຸປະກອນປ້ອງກັນໃດທີ່ດີທີ່ສຸດນອກເໜືອຈາກວັກຊີນໃນປັດຈຸບັນ.

ຂອບໃຈຂໍ້ມູນຈາກ

ຕິດຕາມຂ່າວທັງໝົດຈາກ LaoX: https://laox.la/all-posts/

ສຸຂະພາບ ແລະ ຄວາມສວຍຄວາມງາມ

#COVID-19#Dalta#HOD#LaoX#ທົ່ວໂລກ#ສາຍພັນໃໝ່#ສຸຂະພາບ#ໂຄວິດ

error: Content is protected !!