Kristen Stewart ປະກາດໝັ້ນແລ້ວກັບແຟນສາວ Dylan Meyer


Kristen Stewart ນາງເອກດັງຈາກເລື່ອງ Twilight ໄດ້ປະກາດວ່າຕົນເອງໝັ້ນແລ້ວກັບແຟນສາວ Dylan Meyer ນອກຈາກນີ້ຍັງວາງແຜນທີ່ຈະແຕ່ງງານໃນໄວໆນີ້!

ປັດຈຸບັນ Kristen ເປັນນັກສະແດງ ຄູ່ກັບເປັນຜູ້ກຳກັບ ຫຼັງຈາກບົດບາດການເປັນນັກສະແດງຈາກຮູບເງົາດັງ Twilight ແລະ ກາຍເປັນນັກສະແດງຍິງທີ່ໄດ້ຮັບລາຍໄດ້ສູງທີ່ສຸດໃນປີ 2012.

ຕໍ່ມາໃນປີ 2019 ນັກຂ່າວກໍໄດ້ເຫັນວ່າ Kristen ນັ້ນໄດ້ມີການສະແດງຄວາມຊັດເຈນວ່າກຳລັງຄົບຫາເບິ່ງໃຈກັບ Dylan Meyer ຜູ້ເປັນນັກຂຽນບົດ. ກວ່າທີ່ແຟນຄລັບຈະໄດ້ຮັບຮູ້ວ່າພວກເຂົາມີຄວາມສຳພັນທາງໂຣແມນຕິກກັນກໍເປັນເວລາດົນເຕີບ ເນື່ອງຈາກພວກເຂົາທັງສອງຕັ້ງໃຈເກັບຄວາມສຳພັນນີ້ໄວ້ເປັນສ່ວນຕົວ. ຮູບຄູ່ທຳອິດຂອງພວກເຂົາທີ່ Dylan ເປັນຄົນໂພສລົງ Instagram ກໍແມ່ນເດືອນຕຸລາທີ່ຜ່ານມາ. ສ່ວນ Kristen ນັ້ນບໍ່ມີບັນຊີ Instagram ສ່ວນຕົວເລີຍ, ລາວຈະມັກໃຫ້ທຸກຢ່າງບໍ່ອອກໄປຮອດສາທາລະນະຊົນ. ມາຮູ້ຕົວອີກຮອບໜຶ່ງກໍວັນທີ 2 ເດືອນພະຈິກ ທີ່ເປັນມື້ພວກເຂົາປະກາດໝັ້ນກັນຮຽບຮ້ອຍແລ້ວ.

Kristen ບອກວ່າຕົນເອງໄດ້ພົບກັບ Dylan ທີ່ກອງຖ່າຍເມື່ອ 6 ປີ ກ່ອນ ແຕ່ກໍບໍ່ໄດ້ລະບຸລະອຽດວ່າແມ່ນກອງຖ່າຍຈາກຮູບເງົາເລື່ອງໃດ. ທັງສອງຕັດສິນໃຈຄົບກັນຫຼັງຈາກທີ່ Kristen ໄດ້ຈົບຄວາມສຳພັນທຸກຢ່າງລົງກັບນາງແບບສາວ Stella Maxwell. Kristen ຍັງເສີມວ່າລາວມີຄວາມຮັກຢ່າງໄວວາ ເຊິ່ງຄວາມສຳພັນໃໝ່ນີ້ ຫຼັງຈາກການເປີດຕົວ ທຸກຄົນລວມໄປເຖິງແຟນຄລັບກໍໄດ້ເຫັນດີກັນວ່າເປັນຄວາມສຳພັນທີ່ໝັ້ນຄົງ, Kristen ມັກຈະເວົ້າເຖິງຄູ່ໝັ້ນຕົນເອງທຸກຄັ້ງເວລາສຳພາດ ແລະ ມັນຈະຍ້ອງຍໍບອກຮັກສະເໝີ ພ້ອມກັນນັ້ນພວກເຂົາກໍຢືນຢັນວ່າກະກຽມຈະແຕ່ງງານແລ້ວ.

ຂອບໃຈຂໍ້ມູນຈາກ:

ຕິດຕາມຂ່າວທັງໝົດຈາກ LaoX: https://laox.la/all-posts/

ບັນເທີງ

#Dylan Meyer#HOD#Kristen Stewart#LaoX

error: Content is protected !!