ສິ້ນສຸດການຕໍ່ສູ້ Attack on Titan ຈົບລົງຢ່າງສວຍງາມ


11 ປີ ແລະ ອີກ 7 ເດືອນ ກັບການຕໍ່ສູ້ອັນຍາວນານລະຫວ່າງຜູ້ຄົນ ແລະ ໄທທັນຍັກ ໄດ້ສິ້ນສຸດລົງກັບ Chapter 139 ທີ່ເປັນບົດສຸດທ້າຍຂອງການຕໍ່ສູ້, ໄດ້ຖິ້ມຄວາມປະທັບໃຈ ແລະ ຄວາມເສຍໃຈໄວ້ໃຫ້ໃຜຫຼາຍໆຄົນໄດ້ຝັງໄວ້ໃນໃຈ.

Attack on Titan (shingeki no kyojin) ຜົນງານການແຕ້ມ ແລະ ຂຽນຂອງນັກຂຽນກາຕູນຊາວຍີ່ປຸ່ນ ອາຈານ Hajime Isayama. ເປັນເລື່ອງທີ່ເວົ້າເຖິງຜູ້ທີ່ຢູ່ໃນກຳແພງເມືອງທີ່ຊ່ວຍປ້ອງກັນພວກເຂົາຈາກເຫຼົ່າຍັກກິນຄົນ ເຊິ່ງໃນເລື່ອງເອີ້ນວ່າ ໄທທັນ. ໃນນັ້ນໄດ້ເລົ່າເລື່ອງຜ່ານຕົວລະຄອນເອກທີ່ຊື່ວ່າ Eren Yeager (ເອເຣນ ເຍເກີ) ເດັກນ້ອຍທີ່ມີຄວາມຄຽດແຄ້ນ ແລະ ມີຄວາມມຸ່ງຫວັງທີ່ຈະກຳຈັດໄທທັນໃຫ້ໝົດໄປ.

ເປັນໜຶ່ງໃນໜັງສືກາຕູນທີ່ໄດ້ຮັບຄວາມນິຍົມສູງຈົນໄດ້ຖືກນຳໄປເຮັດເປັນອະນິເມະ ຮອດ 4 ຊີຊັນ.

Новини | Attack on titan anime, Attack on titan, Attack on titan hoodie

ດ້ວຍເນື້ອເລື່ອງທີ່ເຂັ້ມຂຸ້ນປົນກັບຄວາມດຣາມ່າ ແລະ ຕົວລະຄອນທີ່ເປັນເອກະລັກເຮັດໃຫ້ຕັ້ງແຕ່ Chapter ທຳອິດທີ່ເປີດຕົວ ຈົນຮອດຕອນສຸດທ້າຍມີຄົນຕິດຕາມຢ່າງຫຼວງຫຼາຍ.

ອີກສິ່ງໜຶ່ງທີ່ກາຕູນເລື່ອງນີ້ເຮັດອອກມາດີຫຼາຍ ນັ້ນກໍຄືເລື່ອງຄວາມເປັນມາ ແລະ ຄວາມຮູ້ສຶກຂອງແຕ່ລະຕົວລະຄອນ ຕໍ່ກັບແຕ່ລະເຫດການທີ່ຜ່ານເຂົ້າມາໃນຊີວິດ ເພື່ອເຜີຍເຫດຜົນຂອງແຕ່ລະການກະທຳ ໂດຍສະເພາະຕົວລະຄອນເອກ Eren Yeager ເອງ.

ສິ່ງທີ່ເກີດຂຶ້ນໃນເລື່ອງ Attack On Titan ອາດບໍ່ແມ່ນພຽງແຕ່ການຕໍ່ສູ້ເພື່ອເອົາຊີວິດລອດ ແຕ່ຍັງເຜີຍໃຫ້ເຫັນເຖິງຄວາມເປັນຈິງຂອງຊີວິດ ແລະ ຄວາມຮູ້ສຶກຂອງຄົນທີ່ປ່ຽນຜັນໄປຕາມເຫດການທີ່ຜ່ານເຂົ້າມາໃນແຕ່ລະຄັ້ງ, ຄວາມໂສກເສົ້າຂອງການສູນເສຍເມື່ອເວລາຄົນທີ່ເຮົາຜູກພັນໄດ້ຈາກໄປໃນແຕ່ລະຕອນ.

ດ້ວຍຄວາມນິຍົມ ແລະ ຄວາມຜູກພັນຕ່າງໆທີ່ເກີດຂຶ້ນໃນເລື່ອງນີ້ ອາດບໍ່ແມ່ນເລື່ອງແປກທີ່ກາຕູນ Attack On Titan ຈະກາຍເປັນຕຳນານ ແລະ ຈະຢູ່ໃນຄວາມຊົງຈຳຂອງຄົນຫຼາຍໆຄົນອີກຍາວນານ.

Amazon.com: Attack on Titan 1 (9781612620244): Isayama, Hajime: Books

ຮຽບຮຽງໂດຍ: ເຊັນໄປ

ຕິດຕາມຂ່າວທັງໝົດຈາກ LaoX: https://laox.la/all-posts/

ບັນເທີງ

#Attack on Titan#HOD#LaoX

error: Content is protected !!