ໂຄວິດ-19 ຜູ້ທີ່ຕິດເຊື້ອແລ້ວສາມາດຕິດເຊື້ອອີກໄດ້ຫຼືບໍ່? ນີ້ອາດຈະເປັນຄຳຖາມທີ່ຫຼາຍຄົນອາດຈະກຳລັງສົງໄສຢູ່.
ການຕິດຕາມຂອງບຸກຄະລາກອນທາງການແພດຂອງລາຊະອານາຈັກອັງກິດ ໄດ້ປຽບທຽບກຸ່ມທີ່ຕິດເຊື້ອມາແລ້ວ ກັບ ຜູ້ທີ່ບໍ່ເຄີຍຕິດເຊື້ອມາກ່ອນເປັນໄລຍະເວລາ 7 ເດືອນ ຜົນວິໄຈພົບວ່າ ຜູ້ທີ່ຕິດເຊື້ອມາກ່ອນແລ້ວ ມີໂອກາດຈະຕິດເຊື້ອອີກຄັ້ງໜຶ່ງໜ້ອຍກວ່າຜູ້ທີ່ບໍ່ເຄີຍຕິດມາກ່ອນເຖິງ 84%.
ຈາກການວິໄຈດັ່ງກ່າວສາມາດສະແດງໃຫ້ເຫັນວ່າ ຜູ້ທີ່ເຄີຍຕິດເຊື້ອມາແລ້ວ ແມ່ນຈະມີປະສິດທິພາບໃນການປ້ອງກັນການຕິດເຊື້ອອີກຄັ້ງໜຶ່ງເຖິງ 84% ຫຼື ເວົ້າອີກແບບໜຶ່ງກໍຄື ຜູ້ທີ່ເຄີຍຕິດເຊື້ອແລ້ວ ພູມຕ້ານທານຈະຄຸ້ນເຄີຍກັບໄວຣັສ ຫຼືເປັນວັກຊີນໄປໃນຕົວກໍວ່າໄດ້ ແຕ່ກໍຍັງບໍ່ສາມາດຮັບປະກັນໄດ້ວ່າຈະບໍ່ເປັນເລີຍ100%.
ສະຫຼຸບຄຳຕອບກໍຄື, ຄົນທີ່ເຄີຍຕິດໂຄວິດ-19 ມາແລ້ວ ແມ່ນມີໂອກາດຈະສາມາດຕິດຄືນອີກໄດ້ ແຕ່ຈະມີເປີເຊັນທີ່ໜ້ອຍກວ່າຜູ້ທີ່ບໍ່ເຄີຍຕິດມາກ່ອນ. ຢ່າງໃດກໍຕາມ, ຜູ້ທີ່ຕິດເຊື້ອມາແລ້ວ ກໍແມ່ນຍັງຕ້ອງໄດ້ສັກວັກຊີນໃນການປ້ອງການພະຍາດນີ້ຢູ່ຄືກັນ ເພື່ອເປັນການປ້ອງກັນໃນໄລຍະຍາວ.
ທີ່ມາ:
– https://bit.ly/3vjfimG
– https://bit.ly/3xqN9vC
ພາບ: Uni Erfurt, WebMD
ຕິດຕາມຂ່າວທັງໝົດຈາກ LaoX: https://laox.la/all-posts/
