ສສຊ ແຂວງສະຫວັນນະເຂດ ສະເໜີໃຫ້ແກ້ໄຂບັນຫາຄູອາສາທີ່ຍັງບໍ່ໄດ້ເປັນລັດຖະກອນ

ສສຊ ແຂວງສະຫວັນນະເຂດ

ທ່ານ ກົງແກ້ວ ມີວໍລະຈັກ ສສຊ ເຂດເລືອກຕັ້ງທີ 13 ແຂວງ ສະຫວັນນະເຂດ ປະກອບຄຳເຫັນ ຢູ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ສະເໜີໃຫ້ທາງລັດຖະບານແກ້ໄຂບັນຫາຄູອາສາທີ່ຍັງບໍ່ໄດ້ເຂົ້າເປັນລັດຖະກອນ ເນື່ອງຈາກວ່າຍັງມີຫຼາຍພະນັກງານທີ່ຍັງຄົງຄ້າງໂຄຕ້າມີບໍ່ຫຼາຍ ຈຳນວນພະນັກງານຄູອາສາເປັນມາຫຼາຍປີ ແຕ່ຍັງບໍ່ໄດ້ເປັນລັດຖະກອນ, ສະນັ້ນ ທາງ ສສຊ ແຂວງສະຫວັນນະເຂດ ຈຶ່ງສະເໜີມາຍັງສະພາເພື່ອແກ້ໄຂບັນຫາດັ່ງກ່າວໃຫ້ມີປະສິດທິພາບ.

ສສຊ ແຂວງສະຫວັນນະເຂດ

ຜ່ານມາຍັງມີຄູ-ອາຈານ ຫຼາຍຄົນ, ເຂດ ແລະ ຫຼາຍເມືອງ ທີ່ໄດ້ໄປສອນແລ້ວແຕ່ຍັງບໍ່ທັນໄດ້ຮັບເຂົ້າເປັນລັດຖະກອນ ຜ່ານການເຄື່ອນໄຫວຂອງສະມາຊິກສະພາແຫ່ງຊາດ ປະຊາຊົນກໍໄດ້ສະເໜີແລ້ວສະເໜີອີກໃນປີຜ່ານມາ. ປັດຈຸບັນ ມີພະນັກງານຄູ-ອາຈານ ກະສຽນ ຫຼື ບໍານານ ມີຈຳນວນຫຼາຍ ແຕ່ໂຄຕ້າຮັບລັດຖະກອນເຂົ້າໃໝ່ຍັງມີໜ້ອຍ, ຄິດວ່າໃນອະນາຄົດ ອາດຈະເຮັດໃຫ້ຂາດແຄນຄູສອນ.

ສສຊ ແຂວງສະຫວັນນະເຂດ

ໂດຍສະເພາະຄູອາສາ ທີ່ໄດ້ສອນຫ້ອງຄວບ ອັນນີ້ກໍແມ່ນມີຄວາມຫຍຸ້ງຍາກຫຼາຍ ບາງຄົນກໍມີແນວຄິດລໍຄອຍ ແລະ ຄອງຄອຍຖ້າມາຫຼາຍປີ ແຕ່ຍັງບໍ່ໄດ້ຮັບຕົວເລກ ຫຼື ໂຄຕ້າ ການເຂົ້າເປັນພະນັກງານລັດຖະກອນ ເຊິ່ງເຮັດໃຫ້ພະນັກງານຄູອາສາຄິດຖອດໃຈ ແລະ ໝົດກຳລັງໃຈ ແລ້ວກໍໄດ້ຂໍລາອອກຈາກການເປັນຄູອາສາເປັນຈຳນວນຫຼາຍ. ສະນັ້ນ ຈຶ່ງສະເໜີຜ່ານກອງປະຊຸມນີ້ ແລະ ພາກສ່ວນທີ່ກ່ຽວຂ້ອງນຳເອົາບັນຫານີ້ ໄປຄົ້ນຄວ້າຊ່ວຍຕື່ມ.

ສສຊ ແຂວງສະຫວັນນະເຂດ

ຂອບໃຈຂໍ້ມູນຈາກ: https://bit.ly/3UDPv4E

ຕິດຕາມຂ່າວທັງໝົດຈາກ LaoX: https://laox.la/all-posts/