ໃນວັນທີ 28 ສິງຫາ 2024 ທີ່ຜ່ານມາ ທາງເພຈ @ສູນຂ່າວສານການແພດສຸຂະສຶກສາ Centre of Information and Education for Health ໄດ້ອອກມາໃຫ້ຄຳຕອບວ່າເປັນຫຍັງເຮົາຈຶ່ງຄວນໄດ້ຮັບວັກຊີນປ້ອງການມະເຮັງປາກມົດລູກ ກຸ່ມເປົ້າໝາຍແມ່ນໃຜ ແລະ ສາມາດຮັບວັກຊີນໄດ້ຢູ່ໃສແດ່?
ເປັນຫຍັງເຮົ້າຈຶ່ງຄວນໄດ້ຮັບວັກຊີນປ້ອງການມະເຮັງປາກມົດລູກ
ມະເຮັງປາກມົດລູກແມ່ນສາມາດຕິດຕໍ່ໄດ້ທາງຜິວໜັງຕໍ່ຜິວໜັງ ແລະ ທີ່ສຳຄັນແມ່ນສາມາດຕິດຕໍ່ໄດ້ທາງອະໄວຍະວະເພດ ຫຼື ຈາກການມີເພດສຳພັນ ເຖິງວ່າເຮົາຈະໃສ່ຖົງຢາງອານາໄມແຕ່ກໍຍັງສາມາດຕິດໄດ້
ຫຼັງຈາກທີ່ຕິດເຊື້ອແລ້ວ ຜູ້ຕິດເຊື້ອຈະບໍ່ສາມາດຮູ້ໄດ້ທັນທີວ່າຕົນເອງຕິດເຊື້ອ ແລະ ບໍ່ມີອາການສະແດງໃຫ້ເຮົາຮູ້ໄດ້ທັນທີ ຈົນກວ່າເວລາຈະຜ່ານໄປ 10-20ປີ ຈຶ່ງຈະເລີ່ມມີອາການຕ່າງໆ
ດັ່ງນັ້ນການທີ່ເຮົາຈະຮູ້ໄດ້ວ່າຕົນເອງມີເຊື້ອນີ້ຫຼືບໍ່ ແມ່ນຕ້ອງໄດ້ຮັບການກວດຈາກທ່ານໝໍເທົ່ານັ້ນ
ກຸ່ມເປົ້າໝາຍ
– ຕ້ອງເປັນເດັກຍິງ
– ອາຍຸ 10-14 ປີ
ການກຽມຕົວກ່ອນສັກ
– ຕ້ອງກຽມຮ່າງກາຍໃຫ້ແຂງແຮງ ຖ້າມີໄຂ້ ຫຼື ເປັນປະຈຳເດືອນແລ້ວເມື່ອຍເກີນໄປແມ່ນບໍ່ສາມາດຮັບວັກຊີນໄດ້ໃນມື້ນັ້ນ
ເວລາ ແລະ ສະຖານທີ່ຮັບວັກຊີນ
ໃນຊ່ວງເດືອນ 9 ເປິດເທີມໃໝ່ຄູ-ອາຈານ ແມ່ນຈະເລີ່ມເກັບກຳຂໍ້ມູນຂອງກຸ່ມເປົ້າໝາຍ ເພື່ອຈະໄດ້ເລີມຮັບວັກຊີນໃນຕົ້ນເດືອນ10 ຫຼື ຜູ້ປົກຄອງສາມາດນຳເອົາລູກຂອງທ່ານໄປຮັບວັກຊີນໄດ້ໃນສະຖານທີ່ບໍລິການທີ່ໃກ້ບ້ານທ່ານ ເປັນຕົ້ນແມ່ນ ສຸກສາລາ, ໂຮງໝໍເມືອງ ຫຼື ໂຮງໝໍທີ່ໃກ້ບ້ານ ແລະ ຍັງມີໜ່ວຍເຄື່ອນທີ່ລົງບ້ານ ສຳລັບເດັກຍິງທີ່ບໍ່ໄດ້ເຂົ້າໂຮງຮຽນ
ກຸ່ມເປົ້າໝາຍດົ່ງກ່າວແມ່ນຈະໄດ້ຮັບວັກຊີນຟຣີແບບບໍ່ເສຍຄ່າ
ສຳລັບກຸ່ມທີ່ອາຍຸເກີນ 14ປີ ແມ່ນສາມາດຮັບວັກຊີນໄດ້ຕາມສະຖານບໍລິການແຫ່ງອື່ນໆທີ່ບໍ່ແມ່ນຂອງລັດ ແລະ ຈະມີການເສຍຄ່າບໍລິການ ໃນການຮັບວັກຊີນດັ່ງກ່າວ
ຜົນຂ້າງຄຽງຫຼັງຮັບວັກຊີນ
-ຈະມີການເຈັບປວດຢູ່ບໍລິເວນທີ່ສັກ ແລະ ບາງຄົນອາດຈະມີໄຂ້ ເປັນຜົນຂ້າງຄຽງປົກກະຕິຂອງການຮັບວັກຊີນ
ສາມາດຟັງຂໍ້ມູນເພີ່ມຕື່ມໄດ້ທີ່: https://www.facebook.com/CCEH.MoH.Lao/videos/430716850118401
