ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດຂອ ງສປຈີນ ຫຼື LADT ໄດ້ເລືອກເອົາ ສປປ ລາວ ເປັນຈຸດເລີ່ມຕົ້ນຍຸດທະສາດການລົງທຶນເພື່ອຂະຫຍາຍອອກສູ່ຕະຫຼາດອາຊຽນ.
ອີງຕາມການລາຍງານຂອງ ວິທະຍຸກະຈາຍສຽງແຫ່ງຊາດລາວ, ເມື່ອບໍ່ດົນມານີ້ ໃນໂອກາດເດີນທາງຢ້ຽມຢາມ ສປປ ລາວ ຂອງຄະນະຜູ້ແທນເຂດບໍລິຫານພິເສດຮົງກົງ, ທ່ານ ຊີຣີວ ເສິງ, ຮອງປະທານບໍລິສັດ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ ໄດ້ໃຫ້ສໍາພາດຕໍ່ສື່ມວນຊົນລາວ ແລະ ຮົງກົງ ສປ ຈີນ ວ່າ: ວິສາຫະກິດຮົງກົງຍິນດີເຂົ້າມາລົງທຶນໃນ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດເພື່ອພັດທະນາແພັດຟອມການຊຳລະເງິນດິຈິຕອນ ຂ້າມຊາຍແດນ ແລະ ທຸລະກິດການຊຳລະເງິນຫຼຽນໃຫ້ໝັ້ນຄົງ.
ສຳລັບເຫດຜົນຂອງການລົງທຶນໃນລາວ, ທ່ານ ຊີຣີວ ເສິງ ກ່າວວ່າ: “ແພັດຟອມການຊຳລະເງິນທາງໂທລະສັບມືຖື ດ້ວຍ NewPay ຂອງ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ ໄດ້ເຂົ້າສູ່ຕະຫຼາດລາວໃນປີ 2019, ໂດຍຜະລິດ ຕະພັນການຊຳລະເງິນມືຖືຂອງ ຕົນໄດ້ເປີດຕົວໃນປີ 2021.
ການເຄື່ອນໄຫວນີ້ສອດຄ່ອງກັບຂໍ້ລິເລີ່ມ “ໜຶ່ງແລວທາງໜຶ່ງເສັ້ນທາງ” ແລະ ການລົງທຶນໃນປະເທດລາວ. ການຮວບຮວມເອົາອຸດສາຫະກຳດິຈິຕອນ ເປັນຍຸດທະສາດການພັດທະນາແຫ່ງຊາດອັນສຳຄັນ, ອຳນວຍຄວາມສະດວກໃຫ້ແກ່ການ ຫັນເປັນອຸດສາ ຫະກຳທີ່ຕິດພັນທາງ ດ້ານດິຈິຕອນ.
ນອກນັ້ນ, ການເປີດທາງລົດໄຟ ລາວ-ຈີນ ໄດ້ຫັນປະເທດລາວຈາກປະເທດທີ່ມີໂອກາດໜ້ອຍທາງດ້ານພູມສາດມາເປັນປະເທດໜຶ່ງທີ່ມີທ່າໄດ້ປຽບທາງດ້ານພູມສາດໃນແຫຼມອິນດູຈີນ, ລາວມີຄວາມພ້ອມທີ່ຈະເປີດໂອກາດການພັດທະນາຫຼາຍດ້ານໃນອະນາຄົດ, ສະນັ້ນ, LADT ຈຶ່ງເລືອກເອົາລາວເປັນຈຸດເລີ່ມຕົ້ນຍຸດທະສາດເພື່ອຂະຫຍາຍອອກສູ່ຕະຫຼາດໃນ 10 ປະເທດອາຊຽນ.
ທີ່ມາ:
