David Grusch ອະດີດສະມາຊິກຂອງກອງບັນຊາການປະຕິບັດໜ້າທີ່ທາງອາກາດທີ່ບໍ່ສາມາດອະທິບາຍໄດ້ (UAP) ຂອງ Pentagon ໄດ້ອອກມາກ່າວເຖິງການພິຈາລະນາຄະດີທີ່ວ່າ ລັດຖະບານສະຫະລັດໄດ້ປົກປິດການມາຢ້ຽມຢາມຂອງມະນຸດຕ່າງດາວ.
ເຖິງແມ່ນວ່າ David Grusch ຈະບໍ່ສາມາດໃຫ້ຄໍາຕອບທີ່ແນ່ນອນໄດ້, ເນື່ອງຈາກຂໍ້ມູນສ່ວນໃຫຍ່ຍັງຖືກເກັບຮັກສາໄວ້ເປັນຄວາມລັບ ແຕ່ເຂົາກໍຢືນຢັນວ່າ ລັດຖະບານອາເມຣິກາກຳລັງຄອບຄອງຍານອາວະກາດ “ທີ່ບໍ່ແມ່ນມະນຸດສ້າງຂຶ້ນ”, ນອກຈາກນີ້ຍັງມີການພົບເຫັນ “ຊີວະວັດຖຸທີ່ບໍ່ແມ່ນຂອງມະນຸດ” ຢູ່ເທິງຍານອະວະກາດນັ້ນ, ໂດຍມີ Ryan Graves ຜູ້ອໍານວຍການບໍລິຫານຂອງ Americans for Safe Aerospace ແລະ David Fravor ຜູ້ບັນຊາການກອງທັບເຮືອບໍານານ David Fravor ໃຫ້ການເປັນພະຍານ. ອ້າງອີງຈາກແຫຼ່ງຂໍ້ມູນຂອງ Pentagon ທີ່ຍັງເຮັດວຽກຢູ່ໃນໂຄງການ UAP.
ໂດຍການພິຈາລະນາຄະດີໃນວັນທີ 27 ກໍລະກົດທີ່ຜ່ານມາ ໄດ້ກາຍເປັນກະແສເຮັດໃຫ້ຊຸມຊົນຊາວ Crypto ພາກັນແຫ່ສ້າງໂທເຄັນທີ່ເປັນ theme ກ່ຽວກັບມະນຸດຕ່າງດາວ, UFO ຫຼື ຫຼຽນ crypto theme ນອກໂລກອື່ນໆຢ່າງໄວວາ. ອີງຈາກຂໍ້ມູນຂອງ DexTools ແພລັດຟອມຕິດຕາມຂໍ້ມູນໂທເຄັນພົບວ່າ ຫຼຽນມີມ theme ເອລ່ຽນເຊັ່ນ: ALIENX, UFO ແລະ ALIEN ສ້າງຂຶ້ນມາໃໝ່ຫຼາຍກວ່າ 50 ລາຍການໃນ 24 ຊົ່ວໂມງທີ່ຜ່ານມາ.
ເປັນທີ່ໜ້າສັງເກດວ່າ ຫຼຽນມີມໃໝ່ທີ່ຖືກສ້າງຂຶ້ນໃນໂລກ Crypto ຕາມກະແສເປັນຈຳນວນຫຼາຍນີ້ອາດເປັນການຫຼອກລວງຜູ້ລົງທຶນໂດຍໃຊ້ຜົນປະໂຫຍດຈາກກະແສດັ່ງກ່າວ ແລະ ອາດມີກົນໄກປ້ອງກັນບໍ່ໃຫ້ນັກລົງທຶນທີ່ກຳລັງ FOMO ເພື່ອເທຂາຍຫຼຽນທີ່ພວກເຂົາຊື້ໄປ. ທັງນີ້ ໂທເຄັນສ່ວນໃຫຍ່ທີ່ພວມຖືກສ້າງຂຶ້ນໄດ້ມີການເທຣດພຽງເລັກນ້ອຍເທົ່ານັ້ນ ເຖິງແມ່ນວ່າກະແສດັ່ງກ່າວຈະໄດ້ຮັບຄວາມນິຍົມຈາກການຄົ້ນຫາໃນ Twitter ຫຼື Google ກໍຕາມ.
ຢ່າງໃດກໍຕາມ, ຫຼຽນມີມມະນຸດຕ່າງດາວບາງຕົວໄດ້ມີລາຄາເພີ່ມຂຶ້ນເລັກນ້ອຍ ຫຼັງຈາກຂ່າວນີ້ເຜີຍແຜ່ອອກມາ. ອີງຕາມຂໍ້ມູນຈາກ CoinGecko, ຫຼຽນມີມຊື່ UFO Gaming Token (UFO) ມີລາຄາເພີ່ມຂຶ້ນ 2,4%, ໃນຂະນະທີ່ AlienFi token (ALIEN) ເພີ່ມຂຶ້ນ 5,9% ໃນ 24 ຊົ່ວໂມງທີ່ຜ່ານມາ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
