Charlie Morgan ເດັກເກັບບານທີ່ມີຊື່ສຽງ ຄວາມຈິງແລ້ວເປັນລູກຊາຍຂອງມະຫາເສດຖີ


What Happened To Charlie Morgan: The Ballboy Kicked By Eden Hazard

ຊາລີ ມໍແກນ ແຕ່ກ່ອນເປັນພຽງເດັກໄວໜຸ່ມທີ່ໄປເກັບບານໃນສະໜາມບານເຕະ ເປັນການຮັບຈ໊ອບເກັບບານໃຫ້ກັບສະໂມສອນໃດໜຶ່ງ, ໃນຂະນະມີການແຂ່ງບານ ບານນັ້ນໄດ້ໄຫຼໄປຫາ ຊາລີ ນັກເຕະຊື່ດັງຄົນໜຶ່ງໄດ້ໄປເອົາບານ ແຕ່ຊາລີ ກັບບໍ່ສົ່ງບານໃຫ້ ຈຶ່ງເຮັດໃຫ້ນັກເຕະໃຈຮ້າຍ ເລີຍໄປເຕະເອົາທ້ອງຂອງຊາລີ ໂດຍບໍ່ໄດ້ຕັ້ງໃຈ, ແຕ່ເລື່ອງນີ້ກາຍເປັນເລື່ອງໃຫຍ່ພໍສົມຄວນ ເພາະມີຄຣິບຫຼຸດໃນເຫດການຄັ້ງນີ້, ເມື່ອເປັນດັ່ງນັ້ນ ຄົນທີ່ຖືກໂຈມຕີກໍເປັນນັກເຕະຊື່ດັງຄົນນັ້ນ. ແຕ່ໃນທາງກົງກັນຂ້າມ ຊາລີ ກັບກາຍເປັນຄົນດັງທີ່ຜູ້ຄົນໃນສັງຄົມອອນລາຍພາກັນ ໃຫ້ກຳລັງໃຈ ແລະ ຍ້ອງຍໍເຖິງຄວາມໃຈເດັດຂອງລາວທີ່ບໍ່ຍອມສົ່ງບານໃຫ້ ພ້ອມກັບມີຜູ້ຕິດຕາມໃນທະວີດເຕີເປັນຈຳນວນຫຼວງຫຼາຍ. ນອກຈາກນີ້ກໍມີຄົນຈ້າງໃຫ້ເປັນພີເຊັນຫຼາກຫຼາຍຜະລິດຕະພັນ ຈົນເຮັດໃຫ້ຊາລີມີລາຍໄດ້ຢ່າງມະຫາສານ.

ຫຼັງຈາກນັ້ນ ຊາລີ ໄດ້ໄປອອກສື່ໃນປະເທດ ເພື່ອໃຫ້ສຳພາດກັບສື່ຊື່ດັງຕ່າງໆ ແຕ່ບໍ່ດົນພໍເທົ່າໃດຊື່ສຽງຂອງລາວກໍລົດໜ້ອຍຖອຍລົງໃນວົງການບານເຕະອັງກິດ ມີຜູ້ຍອດຕິດຕາມໃນໂຊຊ່ຽວຈາກ 1 ແສນເຫຼືອພຽງ 3 ໝື່ນ ແລະ ໃນຕອນນັ້ນກໍບໍ່ເຫັນຊາລີປາກົດໂຕໃນໂລອອນລາຍ ໃນສະໜາມບານອີກເລີຍ.

ຈາກທຸກຄົນທີ່ຄິດວ່າຊາລີເປັນພຽງເດັກໄວໜຸ່ມທີ່ມີນິໄສດື້ ຫຼື ເປັນເດັກນ້ອຍທຸກຍາກ ແຕ່ໃນຄວາມເປັນຈິງແລ້ວບໍ່ໄດ້ເປັນດັ່ງທຸກຄົນຄິດເລີຍ, ຄວາມຈິງແລ້ວລາວເປັນລູກຊາຍຂອງນັກທຸລະກິດທີ່ຮັ່ງມີ ແລະ ມີເງິນທອງຕັ້ງແຕ່ຍັງນ້ອຍ, ຈຶ່ງບໍ່ແປກໃຈເລີຍວ່າຊາລີນັ້ນມັກໃນເລື່ອງຂອງທຸລະກິດ ເພາະໃນໄລຍະທີ່ລາວຕົກເປັນຂ່າວຫຼັງຖືກນັກເຕະຊື່ດັງເຕະໄປທີ່ທ້ອງ ໃນຕອນນັ້ນຊາລີ ມໍແກນ ກຳລັງຮຽນຫຼັກສູດ A-Level ຫຼື ຫຼັກສູດທີ່ຜູ້ຮຽນກຳນົດເອງ ເພື່ອກຽມພ້ອມກັບການຮຽນໃນມະຫາວິທະຍາໄລ, ຊາລີ ມີຄວາມຮູ້ດ້ານທຸລະກິດຕັ້ງແຕ່ສະໄໝຮຽນຢູ່ມັດທະຍົມຈຶ່ງໄດ້ຮ່ວມມືກັບ ແຈັກສັນ ຄວິນ ໝູ່ຂອງຕົນເພື່ອເລີ່ມຊອກຫາແນວທາງເຮັດທຸລະກິດທີ່ເໝາະກັບພວກເຂົາ.

ຕອນອາຍຸ 19 ປີ ຊາລີ ເລີ່ມຕົ້ນເຮັດທຸລະກິດ ວ໊ອດກ້າ ຂອງໂຕເອງຂຶ້ນຊື່ວ່າ: Au Vodka ໂດຍເລີ່ມຕົ້ນການວາງຂາຍຮ້ານຄ້າທ້ອງຖິ່ນ ແລະ ສິນຄ້າຜະລິດອອກມາເປັນຈຳນວນຈຳກັດ 2,000 ຕຸກ.

ທຸລະກິດຂອງຊາລີເຕີບໃຫຍ່ຢ່າງຕໍ່ເນື່ອງ ແລະ ໄດ້ຮັບຄວາມນິຍົມໃນວົງການ; ແຣ້ບເປີ Headie One, Chip ແລະ Nines ຕ່າງກໍພາກັນເວົ້າວ່າເປັນແຟນຄຣັບຂອງງ Au Vodka.

ໃນປີ 2020 ເຖິງແມ່ນວ່າຈະມີວິກິດການແຜ່ລະບາດຂອງໂຄວິດ-19 ແຕ່ຍອດຂາຍຂອງວ໊ອດກ້າແມ່ນເຮັດໄດ້ທະລຸເຖິງ 1.7 ລ້ານຕຸກ, ຈົນກາຍເປັນວອດກ້າລະດັບພີມ່ຽມອັນດັບໜຶ່ງຂອງ UK ເປັນທີ່ຮຽບຮ້ອຍ.

ຂອບໃຈຂໍ້ມູນຈາກ:

https://www.sportbible.com/football/football-news-what-happened-to-charlie-morgan-the-ballboy-kicked-by-eden-hazard-20201227

https://www.plugsville.com/charlie-morgan-au-vodka-swansea-ballboy/

ชาร์ลี มอร์แกน : เด็กเก็บบอลผู้โด่งดัง ที่กลายเป็น CEO ธุรกิจวอดก้ายอดขายอันดับ 1 | Main Stand

ທຸລະກິດ ແລະ ເສດຖະກິດ

#HOD#VodkaLaoX

error: Content is protected !!