ຣັດເຊຍ ບັນລຸຂໍ້ຕົກລົງຊື້ຂາຍພະລັງງານກັບຈີນ ດ້ວຍເງິນຢວນ ແລະ ຣູເບິລ ຫວັງລົດການໃຊ້ເງິນໂດລາຂອງ ອາເມຣິກາ

ຣັດເຊຍ

ນັບຕັ້ງແຕ່ຣັດເຊຍຕ້ອງປະເຊີນໜ້າກັບການຂວໍ້າບາດທາງເສດຖະກິດ ຈາກທາງບັນດາປະເທດທາງຕາເວັນຕົກ ຣັດເຊຍກໍໄດ້ເລັ່ງມືສ້າງຄວາມສຳພັນທາງເສດຖະກິດຢ່າງໃກ້ຊິດກັບບັນດາປະເທດຕ່າງໆ ທີ່ນອກເໜືອຈາກຊາດທາງຕາເວັນຕົກ ໂດຍສະເພາະກັບປະເທດຈີນ ແລະ ປະເທດເສດຖະກິດເກີດໃໝ່ ໃຫ້ເປັນຕະຫຼາດໃໝ່ດ້ານພະລັງງານ ຂອງຣັດເຊຍ.

ຣັດເຊຍ

ຫຼ້າສຸດ Gazprom ລັດວິສາຫະກິດນຳ້ມັນຂະໜາດໃຫຍ່ຂອງຣັັດເຊຍ ເປີດເຜີຍວ່າທາງບໍລິສັດໄດ້ບັນລຸຂໍ້ຕົກລົງກັບທາງການຈີນ ທີ່ຈະເລີ່ມໃຊ້ສະກຸນເງິນຢວນແລກປ່ຽນກັບສະກຸນເງິນຣູເບິລຂອງຣັດເຊຍໂດຍກົງ ແທນທີ່ຈະໃຊ້ເງິນໂດລາຂອງອາເມຣິກາເປັນຕົວກາງໃນການຊຳລະຄ່າແກ໊ສ ແລະ ພະລັງງານຕ່າງໆ.

ຣັດເຊຍ

Alexei Miller ປະທານເຈົ້າໜ້າທີ່ບໍລິຫານຂອງບໍລິສັດ Gazprom ລະບຸວ່າ ການເປີດທາງໃຫ້ສາມາດຊຳລະເງິນດ້ວຍ ຣູເບິລຂອງຣັດເຊຍ ແລະ ເງິນຢວນຂອງຈີນ ຖືເປັນປະໂຫຍດຮ່ວມກັນສຳລັບທັງ Gazprom ແລະ ຄູ່ຄ້າຢ່າງ China National Petroleum Corporation ຂອງລັດຖະບານຈີນ.

ຣັດເຊຍ

ນອກຈາກນີ້ ຍັງໄດ້ເນັ້ນຍໍ້າອີກວ່າ ການຊື້ຂາຍດ້ວຍເງິນ ຣູເບິລກັບເງິນຢວນ ຈະເຮັດໃຫ້ການຄຳນວນມີຄວາມງ່າຍຫຼາຍຂຶ້ນ ແລະ ຈະກາຍເປັນຕົວຢ່າງທີ່ດີສຳລັບບໍລິສັດອື່ນໆ ລວມໄປເຖິງເປັນແຮງຊຸກຍູ້ເພີ່ມຕື່ມໃນການພັດທະນາເສດຖະກິດຂອງຣັດເຊຍກັບຈີນສູ່ລະດັບຕໍ່ໄປ.

ຣັດເຊຍ

ຢ່າງໃດກໍຕາມ Gazprom ຍັງບໍ່ໄດ້ລະບຸຢ່າງຊັດເຈນວ່າ ທັງ 2 ປະເທດນີ້ຈະເລີ່ມຊຳລະຄ່າພະລັງງານ ດ້ວຍເງິນ ຣູເບິລ ແລະ ເງິນຢວນ ແທນທີ່ຂອງເງິນໂດລາ ເມື່ອໃດ.

ໂດຍການປ່ຽນແປງຄັ້ງນີ້ເປັນສ່ວນໜຶ່ງໃນຄວາມພະຍາຍາມຂອງຣັດເຊຍ ໃນການລົດການເພິ່ງພາສະກຸນເງິນຫຼັກທີ່ຢູ່ໃນລະບົບການຄ້າ ແລະ ການທະນາຄານຂອງໂລກໃນຕອນນີ້ຢ່າງ ເງິນໂດລາ ຫຼື ເງິນຢູໂຣ ເພື່ອຕອບໂຕ້ມາດຕະການຂວໍ້າບາດຂອງບັນດາປະເທດຝັ່ງຕາເວັນຕົກ ຈາກກໍລະນີ ເຫດການຂອງ ຣັດເຊຍ-ຢູເຄຣນ.

ຂອບໃຈຂໍ້ມູນຈາກ:

ຕິດຕາມຂ່າວທັງໝົດຈາກ LaoX: https://laox.la/all-posts/

No comment

Leave a Reply

Your email address will not be published.