ອອສເຕຣເລຍປະກາດເພີ່ມຄ່າທຳນຽມສຳລັບ “ວີຊານັກຮຽນຕ່າງປະເທດ” ຂຶ້ນ 125% ຫຼື ຫຼາຍກ່ວາສອງເທົ່າ. ເຊີ່ງແມ່ນສ່ວນໜຶ່ງຂອງມາດຕະການຫຼ້າສຸດຂອງລັດຖະບານເພື່ອເພີ່ມ “ຄວາມາສົມບູນ” ຂອງການສົ່ງອອກທີ່ໃຫຍ່ທີ່ສຸດອັນດັບ 4 ຂອງປະເທດ ແລະ ຊ່ວຍຫຼຸດຜ່ອນການອົບພະຍົບຂອງປະຊາກອນໂດຍລວມ.
ໂດຍຈະມີຜົນບັງຄັບໃຊ້ນັບຕັ້ງແຕ່ວັນທີ 1 ກໍລະກົດນີ້ເປັນຕົ້ນໄປ, ຄ່າທຳນຽມວີຊາສຳລັບນັກສຶກສາຕ່າງປະເທດຈະເພີ່ມຂຶ້ນຈາກ 710 ໂດລາສະຫະລັດ ເປັນ 1,600 ໂດລາສະຫະລັດ. ນອກຈາກນັ້ນ, ຜູ້ຖືວີຊານັກທ່ອງທ່ຽວ ແລະ ນັກສຶກສາທີ່ຖືວີຊາ ຊົ່ວຄາວຈະຖືກຫ້າມບໍ່ໃຫ້ສະໝັກວີຊານັກສຶກສາພາຍໃນປະເທດ
ການປ່ຽນແປງໃນຄັ້ງນີ້ຈະຊ່ວຍຟື້ນຟູຄວາມໂປ່ງໃສຂອງລະບົບການສຶກສາຢູ່ຕ່າງປະເທດ ແລະ ສ້າງລະບົບການຢ້າຍຖິ່ນຖານທີ່ຍຸຕິທຳ, ຫຼຸດຜ່ອນໃຫ້ນ້ອຍລົງ ແລະ ສົ່ງຜົນໃນທາງບວກໃຫ້ກັບລັບອອສເຕຣເລຍຫຼາຍຂຶ້ນ.
ຂໍ້ມູນທາງການທີ່ໄດ້ເຜີຍແຜ່ໃນເດືອນມີນາ ສະແດງໃຫ້ເຫັນວ່າຈໍານວນຄົນທີ່ອົບພະຍົບເຂົ້າເມືອງຖາວອນໄດ້ເພີ່ມຂຶ້ນ 60% ສູງສຸດເປັນຫວັດສາດທີ່ 548,800 ຄົນ ໃນໄລຍະ 12 ເດືອນສິ້ນສຸດວັນທີ 30 ກັນຍາ 2023.
ນອກຈາກຄ່າທຳທຽມວີຊາທີ່ແພງຂຶ້ນແລ້ວ, ລັດຖະບານໄດ້ປິດຊ່ອງວ່າງ ໃນກົດໝາຍວີຊາທີ່ອະນຸຍາດໃຫ້ນັກສຶກສາຕ່າງປະເທດສາມາດຕໍ່ອາຍຸການພັກເຊົາຢູ່ໃນອອສເຕຣເລຍຢ່າງຕໍ່ເນື່ອງ. ໂດຍຈໍານວນນັກສຶກສາທີ່ຖືວີຊານັກສຶກສາຄັ້ງທີສອງ ຫຼື ຄັ້ງຕໍ່ໆໄປ ເພີ່ມຂຶ້ນຫຼາຍກວ່າ 30% ເກິນ 150,000 ຄົນໃນປີ 2022-2023.
ການເຄື່ອນໄຫວຄັ້ງຫຼ້າສຸດນີ້ ເກີດຂຶ້ນຫຼັງຈາກມີມາດຕະການຫຼາຍຢ່າງໄດ້ຮັບການປະຕິບັດໃນທ້າຍປີທີ່ຜ່ານມາເພື່ອຄວບຄຸມກົດລະບຽບວີຊານັກສຶກສາ. ເຊິ່ງລວມທັງການເພີ່ມຂໍ້ກຳນົດພາສາອັງກິດທີ່ເຂັ້ມງວດໃນເດືອນມີນາ ແລະ ເພີ່ມຈໍານວນເງິນຝາກປະຢັດຕໍ່າສຸດທີ່ນັກສຶກສາຕ່າງປະເທດຈະຕ້ອງໄດ້ຍື່ນຂໍວີຊາເປັນ 29,710 ໂດລາ AU ຈາກ 24,505 ໂດລາ AU ໃນເດືອນພຶດສະພາ (ເພີ່ມຂຶ້ນຄັ້ງທີສອງໃນຮອບເຈັດເດືອນ)
Luke Sheehy CEO ຂອງມະຫາວິທະຍາໄລອອສເຕຣເລຍ ໄດ້ສະແດງຄວາມກັງວົນວ່າ ການສືບຕໍ່ກົດດັນດ້ານນະໂຍບາຍຂອງລັດຖະບານຕໍ່ຂະແໜງການສຶກສາ ອາດຈະເປັນຜົນເສຍຕໍ່ສະຖານະທີ່ເຂັ້ມແຂງຂອງປະເທດ.
ການໄປຮຽນຕໍ່ຢູ່ຕ່າງປະເທດແມ່ນໜຶ່ງໃນອຸດສາຫະກຳສົ່ງອອກທີ່ໃຫຍ່ທີ່ສຸດຂອງອອສເຕຣເລຍ ເຊິ່ງສ້າງລາຍຮັບໃຫ້ເສດຖະກິດ 36,4 ຕື້ໂດລາ AU ໃນປີງົບປະມານ 2022-2023.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
